संस्थेबद्दल

  "गुढीपाडवा (चैत्र-शुक्ल-प्रतिपदा), अक्षयतृतीया व गुरुपौर्णिमा या दिवशी श्री. ब्रह्मदेवावर रुद्राभिषेक केला जातो."

  "श्रावण महिना हा या मंदिरातील खऱ्या अर्थाने उत्सवांचा व धार्मिक कार्यक्रमांचा महिना. प्रत्येक श्रावण सोमवारी हजारो भाविक दर्शनासाठी येत असतात. दिवसभर ब्रह्मदेवावर रुद्राभिषेक सुरु असतो. सायंकाळी महाआरती संपन्न होऊन महाप्रसाद दिला जातो. या महाप्रसादासाठी अनेक भाविक देणग्या देत असतात. प्रतिवर्षी श्रावण महिन्याच्या शुक्ल एकादशीपासुन संकष्टी चतुर्थी पर्यंत दोन दिवसांचा ‘महारुद्र अनुष्ठान’ कार्यक्रम संपन्न होतो."

  "वार्षिक शेती हंगामाच्या कामांची सुरुवात श्री. ब्रह्मदेव मंदिरात महानैवेद्य दाखवून केली जाते त्याला ‘समाराधना’ असे म्हणतात."

  "महाशिवरात्रीला भक्तगणांकडून लघुरुद्र, अभिषेक व एकादशणी इ. धार्मिक विधी मोठया भक्तिभावाने केले जातात. या दिवशी भाविकांना साबुदाणा खिचडीचा प्रसाद दिला जातो. यासाठी अनेक भक्तगण देणगी देत असतात."

  "फाल्गुन महिन्यामध्ये शिमगोत्सवात, श्री. देवी जुगाईची पालखी श्री. भेटीसाठी येते. त्यावेळी दशक्रोशीतील भाविक हा ‘देवभेटीचा सोहळा’ पाहण्यासाठी हजारोंच्या संख्येने उपस्थित असतात."

  "ग्रामस्थ व अन्य ठिकाणाहून येणारे भाविक वर्षातुन एकदातरी, या ठिकाणी आपला 'महानैवेद्य' अर्पण करतात."

  "ब्रह्मदेव मंदिरामध्ये दररोज नित्यपूजा, अभिषेक व नैवेद्य हा कार्यक्रम होत असतो."

  "प्रतिमहिना ठराविक रक्कम देऊन त्या महिन्याचा नित्यनैवेद्य त्या भक्ताच्या नावाने दाखविण्याची व्यवस्था विश्वस्त मंडळाने केली आहे. यासाठी अनेक भाविक देणगी देत असतात."

  "प्रतिमहिना एका सोमवारी (संपूर्ण वर्षभर) एकादशणी करण्यासाठी ठराविक रकमेची देणगी अनेक भाविक देत आहेत ."

 "या व्यतिरिक्त अनेक भाविक विश्वस्त मंडळाकडे देणगी सुपूर्द करून अभिषेक, एकादशणी, लघुरुद्र, महारुद्र, महानैवेद्य अशाप्रकारचे धार्मिक विधी करतात".
तरी भाविकांनी विश्वस्त मंडळाशी संपर्क साधावा !